ADVERTISEMENT

LAOAG CITY – Inlawlawag ni PLt. Col. Rafael Lero, ti hepe ti PNP-Laoag ti proseso sakbay ti pannakaiyetnag ti search warrant iti subject ti naiyuswat nga operasyon a ni Darwin Paraganas.

Segun kenkuana, adda dagiti naawat a report manipod iti concerned citizens nga addaan ti ikot a paltog ti suspek.

Kuna na a karaman pay ditoy ti maipagarup panangipakpakita na ti paltog kadagiti kainuman na.

Inbatad na a naiyuman iti husgado ken daytoy ti nagdesisyon iti pannakaiyetnag ti search warrant.

Mainaig iti daytoy, inpakaammo ni Lero a dati a balod ti suspek gapu iti kaso a carnapping ken adda ti gundaway a nakalibas bayat ti panangileppas na ti sentensya na.

-- ADVERTISEMENT --

Nu pay kasta, nakubkob met laeng ken nawaya-wayaan idi tawen 2018.

Kabayatanna, inpetteng ti hepe a lehitimo ti naiyuswat nga operasyon gapu ta adda ti nausar a body worn camera ken alternative recording device.

Immunan a narekobre iti pagtaengan ti suspek ti maysa a calibre 45 a paltog ken 10 a bala ken dumalan iti beripikasyon tapno madeterminar nu adda ti nakausaran nga aniaman nga insidente.

Manamnama a sumango ti suspek iti kaso a panagsalungasing ti RA 10591 wenno illegal possession of firearms.