ADVERTISEMENT

LAOAG CITY – Inpakaammo ni Pol. SMsgt. Marcelino Corpuz Jr., mangidadaulo ti PDEU a naipilan ti kaso a panaglabsing ti RA9165 wenno Comprehensive Dangerous Drugs Act of 2002 kontra ken ni Mr. Marlon Castillo, ti sunject ti naiyuswat a drug buybust operation iti Barangay 25 ditoy ciudad ti Laoag.

Daytoy ket kalpasan a nagpositibo iti drug test ken nakumpiskar kenkuana ti napagango a bulong ti marijuana nga agdagsen ti 20.03 a gramo.

Maipalagip a nakagatang dagiti otoridad ti dua a sachet ti maipagarop a napagango a bulong ti marijuana manipod iti suspek.

Malaksid iti daytoy, nakumpiskar dagiti otoridad ti maysa a pakete ti sigarilyo a naglaon ti dua a sachet ti maipagarop a napagango a bulong ti marijuana, maysa a 500 peso bill a nagserbi kas buybust money, dua a lighter, IDs, lisensya ken sabali pay ti 14, 200 a pisos.

Naamoan a nabayagen a sipsiputan dagiti otoridad ni Castillo gapo iti maipagarop nga iligal a droga ken karaman iti drug watchlist ditoy probinsya.

-- ADVERTISEMENT --