ADVERTISEMENT

LAOAG CITY – Inbatad ni Dr. Charito Malicad, ti pannakangiwat ti lokal a gobierno ditoy siudad ti Laoag a nagbalin a natalged ti umuna nga aldaw ti night market.

Segun ken ni Malicad, ti night market ket silulukat iti lunes agingga iti sabado ken agingga laeng iti alas otso ti rabii.

Kuna na a maysa kadagiti kalikagum iti pannakalukat ti night market ket tapno maikkan ti gundaway dagiti babassit a negosyo a makalako partikular dagiti mannalon nga agapit ti nagduduma a produkto.

Kabayatanna, inlawlawag ni Malicad a ti nasapa a panagakas dagiti negosyante iti night market iti umuna nga aldaw daytoy ket gapu ti bassit a bilang dagiti gumatang.

Nu pay kasta, mangnamnama ti opisyal nga iti sumarsaruno nga aldaw ket ad-addo ti agturong iti night market kageddan ti ad-adda pay a pannakaiwaras ti impormasyon.

-- ADVERTISEMENT --

Innayun na nga agtalinaed ti pannakasurot ti minimum health protocols kontra iti covid-19 tapno maliklikan ti posible a panagwaras ti nasao a virus.