ADVERTISEMENT

LAOAG CITY – Inadmitir ni Dr. Jake Rubio, ti dati a presidente Ilocos Norte Medical Society a maysa kadagiti kangrunaan a problema iti agdama mainaig iti covid-19 ditoy probinsya ket ti testing capacity.

Segun kenni Dr. Rubio, naamoan na a naperdi ti Automated extraction machine iti molecular laboratory a rason ti nabayag a pannakaipadalan iti testing dagiti swab samples.

Gapo iti daytoy, kunana a dagiti dadduma nga specimen ket maipatulod iti sabali a probinsya tapno maalay-ayan ti problema gapo ta nasurok sangaribo ti maaw-awat ti laboratoryo a samples iti uneg ti maysa nga aldaw.

Inbatad na a dagiti dadduma a samples ket dumalan iti manual a poseso gapo iti pannakaperdi ti makina.

Amin dagitoy ket inpakammo da kenni Gov. Matthew Marcos Manotoc ken adda ti rekomendasyon da, ken adda ti plano ti gobierno a gumatang ti machine tapno mapaalisto ti pannakaipadalan iti testing dagiti specimen.

-- ADVERTISEMENT --

Karaman pay kadagiti inkiddaw da kenni Manotoc ket ti matulunan dagiti healh facilities wenno maexpand dagiti ospital partikular ti bed capacity, man power ken suplay ti agas.

Mainaig iti daytoy, inpetteng ni Dr. Rubio a kooperasyon ti tulbek tapno malabanan ti agdama a pandemya kageddan ti pannakaipatungpal ti naiget a pagalagadan ken dadduma pay a nasken nga aramiden.