ADVERTISEMENT

LAOAG CITY – Manamnama a mapilaan ti reklamo ken mapaserraan dagiti sumagmamano a pasdek negosyo ditoy ciudad ti Laoag ita a nobyembre agingga intono disyembre.

Daytoy ti inpakaammo ni Mrs. Marilou Sapungan, ti Revenue District Officer ditoy ciudad.

Inlawlawag ni Sapungan a dagiti nasao a pasdek negosyo ket sumagmamano kadagitoy ket naduktalan da a saan nga agbaybayad ti buwis idinto a dagiti dadduma ket saan nga usto ti ibaybayad da.

Inbatad na  nga idi koma pay laeng Marso nga inpatungpal da ti programa da nga Oplan Kandado ngem gapu iti kinaiget ti restriksyon a gubuay ti covid-19 pandemic ket saanda a naaramid.

Innayon na a gapu ta napalukayanen ti restriksyon ditoy ciudad ti Laoag ket mabalin dan nga ipatungpal ti Oplan Kandado kontra kadagiti pasdek negosyo a saan nga agbaybayad ti buwis na ken saan nga usto ti baybayadan na.

-- ADVERTISEMENT --