ADVERTISEMENT

LAOAG CITY – Patyen ni Prof. Reindel Owen Salvador, Sociologist ken Geopolitics Expert a maysa a mensahe iti Pilipinas ken para iti sumaruno a baro a set ti leaders ti insidente iti Ayungin Shoal.

Segun kenni Salvador, mabalin a kalikagom nga ipadanon ti China nga iti nagbaetan da laeng iti Pilipinas ti agsarita seknan iti mapagin-innagawan a teritoryo ken saan na a kayat ti multilateral a solusyon.

Inlawlawag na a ti insidente ti Ayungin Shoal a mabalin met a kayat ti China a makisarita ngem inpetteng na a nasken latta kuma a sumurot iti paglitegan ti  nasao a pagilyan.

Umanamong pay ni Salvador nga adda ti pannakaladaw ti tignay ti presidente wenno ti panagbaliw ti tono na mainaig iti daytoy nga isyu.

Kunana a nasapsapa kuma ti panangilaban ti Pilipinas ti karbengan na ket makita ti China a seryoso ti pagilyan.

-- ADVERTISEMENT --

Patyen na pay a maysa kadagiti rason kadagiti tignay ti China ket ti panagbaliw-baliw ti desisyon ti Pilipinas isut gapo na a nasken nga agbalin a klaro ken consistent ti pagilyan iti ilablaban na a karbengan.

Inbatad na pay a saan a a damo daytoy a mapasamak gapo ta iti napalpalabas a tawen ket adda manen idi ti napasamak a  kastoy ken nabayagen a mapagain-innagawan ti nasao a teritoryo.

Mainaig iti daytoy, kunana a posible nga agtultuloy ti panangbully ti Chinese vessel kadagiti Pilipino nga agturong iti Ayungin Shoal nangruna ket panawen ti eleksyon no sadinno ket kalikagom ti China nga impluwensyaan ti polisiya ti Pilipinas.

Dinakamat na a masapol a saganaan daytoy ti Pilipinas tapno maalay-ayan met ti mapaspasaran dagiti mabalin a maapektaran.

Innayon na a no maibasar iti paglintegan ti United Nations Convention on the Law of the Sea, adda ti linabsing ti China.

Kabayatanna, kunana a nasken kuma a saan laeng a panangirakurak ti suporta ti malaa ti Pilipinas no diket adda ti mapasamak a collaboration t kadagiti nagduduma a pagilyan tapno maipursige ti international laws.