ADVERTISEMENT

LAOAG CITY – Pabor ni Dr. Gloria Caluya, ti Presidente ti Hotel and Restaurant Owners Association ti mandatory vaccination kadagiti empleado.

Segun kenni Caluya, no mabakunaan amin nga empleado ket saan laeng a para iti bagbagi da no diket uray pay dagiti customers ken kliyente iti business sector.

Inlawlawlag na a napateg ti pangpabakuna nangruna ket ado dagiti makapulapol dagiti empleado a naggapo iti nagduduma a lugar.

Inpetteng na a delikado para kadagiti empleado ken customers no adda ti saan a nabakunaan a mangmangged.

Mainaig iti daytoy, inpalgak na a ti kangrunaan a kitaen da kadagiti akomudaren da a bisita wenno guest kadagiti hotels ket masapol a fully vaccinated.

-- ADVERTISEMENT --

Kuna pay ni Caluya nga amin nga awaten da a baro nga empleado ket irequire da a nabakunaan kontra iti covid-19.

Kabayatanna, inpakammo ni Caluya a 100 a porsiento dagiti empleado iti sektor da ket nabakunaanen kontra iti covid-19.

Gapo iti daytoy, kunana a nakasagana dan nga agakomudar kadagiti ad-ado pay a bisita gapo ta adda metten ti nayun a proteksyon da malaksid laeng iti panangsurot iti health protocols.