ADVERTISEMENT

LAOAG CITY – Inlawlawag ni Department of Labor and Employment (DOLE) Sec. Silvestre Bello III ti rason nu apay nga adda ti plano ti ahensya nga ipatungpal ti deployment ban iti Kingdom of Saudi Arabia (KSA).

Segun ken ni Bello, daytoy ket gapu iti saan a pannakaited ti sweldo dagiti agarup siyam a ribo nga OFW nga agpapaay iti nasao a pagilian.

Kuna na nga addan ti lima a tawen ti napalabas sipod nakaawid dagiti OFWs ngem agpapan ita ket ket awan pay a pulos ti naited a bayad kadagitoy.

Inbatad na a nu pay napilaanen ti kaso ti employer dagiti OFWs ket nasken a maited ti bayad da a nagserserbi iti nasao a pagilian.

Mainaig iti daytoy, inpakaammo ti opisyal nga agtultuloy ti pannakaipaay ti tulong kadagiti nagawid nga OFWs pakairamanan dagiti naapektaran ti pandemiya.

-- ADVERTISEMENT --

Kuna ni Bello a sipod idi tawen 2020 ket addan ti agarup 735,000 nga OFW ti natulungan ti gobienro a makaawid ditoy pagilian iti baet ti pandemiya.