ADVERTISEMENT

LAOAG CITY – Inbatad ni Commander Lorel Paul Mariano iti Philippine Coastguard (PCG) nga ituloy da ita a bigat ti panagbiruk da iti bangkay ti nalmes nga agtawen ti 13 a menor de edad a lalaki iti Metro Lapaz ditoy ciudad ti Laoag.

Kuna na nga ado dagiti nakakita a nalmes ti ubing isut gapuna a retrieval ti bangkay ti ar-aramiden dan.

Inlawlawag ni Mariano nga awan ti pakainaigan ti bagyo Maring ti pannakalmes ti biktima gapu ta awanen ti tudo ken mabalin a naragsakan laeng ti grupo ti menor de edad isut gapuna a napan da nagdidigus uray nalibeg pay ti danom.

Kabayatanna, inbaga ni Mariano nga uray ti naanud iti karayan a babai iti karayan iti ili ti Badoc ket ituloy da a biruken ita nga aldaw.

Inpakaammo na a temporaryo nga insardeng da idi kalman ti panagsapol da iti biktima no sadinno a nakadanun da pay iti Barangay Gabu ditoy ciudad ti Laoag gapu ta nadawel pay laeng ti baybay.

-- ADVERTISEMENT --

Innayon na nga iti baet nga addan ti sumagmamano nga aldaw a naanud ti biktima ket mangnamnama pay laeng ti pamilya na a sibibiag daytoy.