ADVERTISEMENT

LAOAG CITY – Malidingitan dagiti sumagmamano nga aglaklako iti talipapa iti Barangay Buttong ditoy ciudad ti Laoag gapo iti dandanin ipapanaw da iti nagpwestoan da.

Segun kenni Mrs. Antonette Bareng iti BPLO, ummunan a napagtulagan iti Barangay Buttong ken ti opisina na a dagiti aglaklako ket agtalaw da agingga intono Oktubre 25 ita a tawen.

Kinumpirmaran ni Bareng a kadagiti aglaklako iti asideg ti Buttong Elementary School ket adda ti panagresistir dagitoy.

Mainaig iti daytoy, kuna dagiti sumagmamano nga aglaklako ket adda ti panagamak da nga agsubli iti tiendaan gapo ta arig na ket lugi da.

Daytoy ket gapo ta ti arig na kakompetensya da ket dagiti met laeng mismo a pagang-angkatan da ti lako no sadinno ket nalaklaka ti panaglako dagiti maseknan no ikumpara kadakuada nga agang-angkat.

-- ADVERTISEMENT --