ADVERTISEMENT

LAOAG CITY – Manamnama a mairubwat ti panagbakuna kadagiti agtawen ti lima agingga iti 11 nga ubbing iti Australia intuno Enero 10, 2022.

Daytoy ti inpakaammo ni Bombo International News Correspondent Denmark Suede iti nasao a pagilian.

Segun ken ni Suede, kas kadagiti naibakuna kadagiti agtawen ti 12 agingga iti 17 ket agpada a Pfizer vaccine ti maibakuna kadagiti agtawen ti lima agingga iti 11.

Nu pay kasta, inlawlawag na a nabbaba ti dosage nga awaten dagitoy nu sadino a manipod iti 30 mg ket mapagbalin laeng a 10 mg.

Mainaig iti daytoy, kuna ni Suede a masapol a bayabayan dagiti nagannak ti annakda kabayatan ti panagpabakuna dagitoy.

-- ADVERTISEMENT --

Kabayatanna, inpakaammo ni Suede a manarimaan ti pannakaadal ti panagbakuna kadagiti agtawen ti nababba ngem lima.