ADVERTISEMENT

LAOAG CITY – Natay ti nasurok 20 a tattao gapu ti nakaro a panaglayus iti akin abagatan a paset ti India.

Daytoy ket gapu ti napigsa a panagtudtudo a nangitunda ti panaglepyas ti karayan a poon ti pannakalayus dagiti babassit a lugar iti nasao a pagilian.

Naiyanod dagiti sumagmamano a pagtaengan idinto a napupok dagiti tattao iti Kottayam district iti Kerala state.

Napasamak pay ti panagreggaay ti daga a nangitunda ti pannakagabor dagiti sumagmamano a residente.

Agtultuloy ti rescue operation dagiti otoridad agraman dagiti soldado ti India.

-- ADVERTISEMENT --

Naipaay met ti tulong kadagiti napupuk a residente iti nasao a lugar babaen ti panangidanun dagiti helicopter ti gobyerno ti nasao a pagilian. (BBC News)