ADVERTISEMENT

LAOAG CITY – Inpakaammo ni Dr. Allan Taylan a napateg a maamuan dagiti klase ti bakuna kas iti makunkuna nga inactivated vaccine, live-attenuated vaccine, ken dadduma pay.

Kuna na a ti inactivated vaccine ket bakuna a mangpakapoy ti virus kas iti polio, ken flu idinto ti live-attenuated vaccine ket para kadagiti agtuko, missile, mums, ken rubella.

Segun kenni Dr Taylan, ti viral vector vaccine ket addaan ti prosesso no sadino a mangala dagiti eksperto iti protina ti virus ken maaramid daytoy a bakuna.

Inbatad na a ti protina a maaramid a bakuna ket isu ti mangpapigsa ti bagi nga agaramid iti antibodies ken nausar ti viral vector vaccine kontra iti Ebola virus.

Kuna ni Dr. Taylan nga adda pay ti subunit approach no sadino a naiyaplikar iti Meningococcal disease, diphtheria, ken tetanus.

-- ADVERTISEMENT --

Inbunannag na nga adda ti baro a makunkuna nga mRNA wenno messenger RNA vaccine no sadino a nausar daytoy para iti emergency use authorization kas iti Pfizer ken Moderna.

Daytoy ket mangala dagiti eksperto iti parte ti virus para iti bagi ti tao, wenno agaramid iti makunkuna nga spike protein a mapan iti cells ti tao.

Kuna na a patayen na ti cells ti tao ken rumwar ti spike protein a maiyarngi iti COVID-19 ken ditan nga agaramiden ti bagi ti tao iti antibody.

Kabayatanna, inbatad ni Dr. Taylan a nausar ti mRNA babaen ti Pfizer iti pagilian a Norway no sadinno nga adda dagiti pmusay kalpasan a natudukan da ti bakuna a nangitunda ti panagbuteng dagiti tattao.

Iti sabali a bangir, ginutigot ni Dr. Taylan a saan kuma nga agbuteng dagiti tattao a mabakunaan gapu ta adda ti information drive.

Kuna na a ti mabalin a mabakunaan iti Pfizer ken Moderna ket dagiti addaan ti napipigsa ti resistensya na.

Inbatad ni Dr. Taylan a possible a dagiti natudukan kadagiti dua aklase ti bakuna ket addaan iti sakit a cancer, ken dadduma pay rason a pimmusay dagitoy.

Segun kenni Dr. Taylan, mabalin pay dagiti maibakuna kadagiti tattao ti inactivated vaccines kas iti SinoVac, SinoFarm, ken dadduma pay nga inactivated vaccine a sumangpet ditoy pagilian.

Kuna na a dagiti agtawen ti 18 agingga iti agtawen ti 65 ket mabalin a makaawat ti bakuna kadagitoy a tiempo.

Innayon ni Dr. Taylan a babaen ti panagbakuna dagiti tattao ket mapukaw met ti virus.