ADVERTISEMENT

LAOAG CITY – Agtultuloy ti search ken rescue operation para iti mapukpukkaw nga agtawen ti 13 a menor de edad a lalaki ┬ákalpasan a naiyanud iti fishport iti Barangay Metro Lapaz ditoy ciudad ti Laoag.

Segun ken ni Mr. Joselito Desundra, nakita na a mismo ti pangdive ti biktima ken dagiti sumagmamano pay a kakadwa na iti danom.

Nupay kasta, saannan a nakita pay a timmakdang ti biktima no sadinno nga idi damo ket inpagarop na nga agang-angaw laeng daytoy.

Inbaga ni Desundra a kanayun ti papan panagdidigus ti biktima ken dagiti kakadwa na iti lugar uray adda ti bagyo.

Inapakaammo na pay a simmaruno met a nagdive gapu ta umapal kadagiti agdidigus ngem timmakdang gapu iti kaapres ti danom.

-- ADVERTISEMENT --

Kabayatanna, inbaga Fire Senior Inspector Ronald Castillo, ti firemarshall ditoy ciudad ti Laoag nga ikarigatan da a sapulen ti biktima kadwa da dagiti kameng ti PNP ken Philippine Coastguard (PCG).