ADVERTISEMENT

LAOAG CITY – Mapukpukaw ti maysa a babai idinto a nakalasat dagiti tallo a kakadua na kalpasan a naiyanod da iti karayan iti ili ti Badoc.

Segun ti PNP Badoc, nakaawat da ti report manipud kenni Barangay Chairman Emerson Balilea iti Brgy. Nagrebcan.

Nabigbig dagiti uppat a residente no sadinno nga tallo a babbai nga agtawen ti 33, ken agtawen ti 57, ken maysa a lalaki nga agtawen ti 55.

Kuna ti PNP Badoc a nakalugan dagiti uppat iti karison a guyguyuden ti nuang ket dita a naranaan da ti napasamak a flashflood bayat ti panangdalyasat da ti karayan.

Gapu iti daytoy, saan a nakalasat ti agnagan ti Emily Yadao ken naiyanod daytoy kadua na ti nuang ken karison idinto a nakalasat dagiti tallo a kakadua na.

-- ADVERTISEMENT --

Nagpatulong met ti PNP Badoc iti PDRRMO ken dagiti pannakabagi ti Coast Guard a nakabase it Brgy. Victoria iti ili ti Currimao para iti pannakaiyuswat ti operasyon.

Kabayatanna, agtultuloy pay laeng ti search and retrieval operation ti Coast Guard ken PNP para ti pannakabirok kenni Yadao.

Naamuan a naggapu dagiti uppat a residente iti Brgy. Nagrebcan proper ken agawid dan iti Sitio Lasien.

Segun ti pannakangiwat ti PNP, adda ti mabalin a pagdalanan dagiti maseknan tapno makapan iti nasao a sitio ngem kasapulan a manglikos da iti ili ti Nueva Era.