LAOAG CITY –Kinumpirmaran ni Brgy. Chairman Marcelino Gambol iti Brgy. Sto. Tomas iti ili ti Pinili nga adda ti kabaranggayanda a lakay nga agtawen ti 71 a nagpositibo iti delta variant.

Inbatad na a gapu iti daytoy ket dagus a naipatungpal ti lockdown iti paset ti Sitio Bariquir iti nasao a barangay.

Kunana a malaksid iti nasao a sitio ket kasapulan pay nga adda ti maysa nga indibidual iti tunggal pamilya iti nabatbati nga innem a sitio iti barangayda ti rumbeng a dumalan ti RT-PCR test.

Inbatad na a daytoy kas panangsurot ti rekomendasion ti Municipal Health Office nu sadino nga aggapo iti 500 meter radius manipod iti lugar a pagnanaedan ti nagpositibo iti delta variant ti dumalan ti testing.

Immunan nga inpakaammo ni Marcelino nga itay napan a bulan ket naipan iti Mariano Marcos Memorial Hospital and Medical Center iti siudad ti Batac ti maseknan kalpasan a saan daytoy a makaanges ket ditoy a dimmalan ti RT-PCR test ken positibo ti resulta daytoy.

IInnayun na nga addan ti 14 a maibilang a primary contacts ti delta variant petient ti dimmalan iti swab test ken maiyur-uray ti resulta dagitoy.

manamnana a maiparuk-at ti resulta dagitoy inton

Kabayatanna, inbatad ni Dr. Agnes Barlahan, ti Municipal Health Officer iti ili ti Pinili a mannarimaan ti imbestigasyon iti posible a nakaalaan ti maseknan ti delat variant gapu ta saan met a rumrumuar daytoy.

Innayun na a nalpasen ti 21-days quarantine period ti maseknan sakbay a naiparuk-at ti resulta manipod iti Philippine Genome Center.