ADVERTISEMENT

LAOAG CITY – Natay ti maysa a lalaki kalpasan a nadesgrasya iti Pila Road iti Barangay Pila ditoy ciudad ti Laoag.

Daytoy ti inpakaammo ni Police Staff Sergeant Mark Briones, imbestigador iti PNP Traffic-Division ditoy ciudad.

Inbaga ni Briones a basar iti imbestigasyon da, kabayatan ti panagpapalaud ti saan pay a nabigbig a biktima a nakalugan ti motorsiklo nga agmaris ti nalabbaga ken nangisit, ken awan ti plate number na ket natulid ken naitupar ti ulo na iti semento.

Kuna na pay nga adda ti helmet ti biktima ngem saan a nakasuot iti ulo na no di ket inkabil na iti siko na.

Naitaray ti biktima iti Laoag City General Hospital (LCGH) ti biktima ngem naideklarar a dead on arrival.

-- ADVERTISEMENT --

Saan pay a masinunuo no adda ti impluwensya ti nasanger ti biktima idi napasamak ti insidente.