ADVERTISEMENT

LAOAG CITY – Balligi a natiliw ti maysa a maipagarop nga asset ti pulis iti naiyuswat a drug buy-bust operation iti Barangay Cabungaan-A ditoy ciudad ti Laoag.

Nabigbig daytoy a ni Nolimar Valdez, agtawen ti 39, residente iti Barangay 23 iti ili ti San Nicolas.

Nakumpiskar kenkuana ti maysa a sachet ti maipagarop a shabu a nagatang ti police pusuer buyer, sangaribo a pisos a nagserbi kas marked money ken ti cellphone, ken maysa a sachet ti maipagarop a shabu.

Inpetteng met ni Valdez a saan nga aglaklako ti iligal a droga ken insardeng na ti agusar sipud pay idi 2017 nga isu met ti tawen a simmuko.

Segun kenni Valdez, idi naminsan nga aldaw ket nagbyahe ngem nakaawat ti tawag nga awid ditoy Ilocos Norte gapo ta adda ti isurveillance da a maysa a saan nan a binigbig nga indibidual.

-- ADVERTISEMENT --

Inlawlawag na a napan da iti Barangay 19 iti ili ti San Nicolas ken iti Barangay Gabu ditoy ciudad ngem indisaag dagiti kadua na iti Barangay Cabungaan-A gapo ta adda ti iyuswat dagitoy nga operasyon iti ili ti Paoay.

Nupay kasta, rumrumuar a ditoy a naiyuswat ti transaksyon ngem inpetteng na a saan a naglako ken ti laeng kwarta na ket ti 500 a pisos ken ti naited kenkuana a 100 a pisos a pagplete na nga agawid iti ili ti San Nicolas.

Mainaig iti daytoy, kunana a saan na nga ammo ti rason no apay a naiyuswatan ti operasyon.

Innayon na a 2017 pay laeng idi nangrugi isuna nga asset ti pulis.