LAOAG CITY – Balligi a natiliw ti maika-15 a wanted person iti listaan ti ┬áProvincial Anti-Partisan Armed Group and Dangerous Drug Council wenno PAPAGDDC gapu iti kaso a multiple murder idiay Brgy Babanuang, San Manuel, Isabela.

Daytoy ket babaen iti panagtitinnulong dagiti kameng ti Ilocos Norte Provincial Intelligence Unit ken ti Banna Municipal Police Station ken ti koordinasyon ti San Manuel Municipal Police Station idiay Isabela.

Naarestar ti akusado a ni Perling Baldugo Madarang, naasawan ken tubo iti Brgy Poblacion, Nueva Era, Ilocos Norte babaen ti bileg ti warrant of arrest nga inparuk-at ni Hon. Conrado Ragucos, Presiding Judge ti RTC branch 16 ditoy siudad idi Pebrero 21, 2002.

Mainaig iti daytoy, kuna ni PMaj. Norman Pentang, ti hepe ti PNP-Banna a sakbay a nagtalimpwagaw ti akusado idi tawen 2002 gapu iti nadakamat a kaso na.

Nagtalinaed daytoy iti kustodyar ti PNP-Banna bayat a maiyur-uray ti pannakaipan na iti korte a naggapoan ti warrant of arrest.