ADVERTISEMENT

LAOAG CITY – Kinumpirmaran ni Police Lt. Divina Tanacio, ti deputy chief of police ti PNP-Badoc ti pannakapatay ti maysa a lalaki kalpasan ti desgrasya iti Barangay Lacuben iti nasao nga ili.

Binigbig ni Tanacio ti biktima a nagmaneho ti motorsiklo a ni Jomer Lutrania, agtawen ti 35, naasawaan ken residente iti Barangay Paltit,ken ti nakadinnungpar daytoy a kotse ket inturong met ni James Patrick Calaycay, agtawen ti 26 ken residente iti Barangay Gabut Norte iti nadakamat nga ili.

Segun kenni Tanacio, sinukon ni Calaycay ti kabsat na nga agtrabtrabaho iti Barangay Gareta ken agawid da kuman idinto a ni Lutrania ket aggapo iti pagubraan na idi napasamak ti insidente.

Inlawlawag na nga iti imbestigasyon da, bayat nga agpaamyanan ni Calaycay ket immovertake iti sarsarunwen na a tricycle ngem saan na a naripar ti masabat na a ni Lutriana gapo ta awan ti silaw ti motorsiklo na.

Gapo iti daytoy, nagdinnungpar ti kotse ken motorsiklo no sadinno ket naipan pay iti tuktok t.i kotse ni Lutrania.

-- ADVERTISEMENT --

Dagus met a nagresponde dagiti kameng ti PNP-Badoc ken naitaray ni Lutrania iti Karmelli Clinic and Hospital ngem naideklara a dead on arrival.

Naamoan a ni Lutrania kt awan ti suot na nga helmet ken rumrumuar nga adda iti impluwensya ti nasanger.

Kabayatanna, mananama met nga adda ti panagsasarita dagiti dua a partido mainaig iti nasao a desgrasya.