ADVERTISEMENT

LAOAG CITY – Natay ti maysa a lalaki kalpasan a naidungpar ti nagluganan na a motorsiklo iti poon ti kayo iti Brgy. Susugaen iti ili ti Pasuquin.

Segun kenni Police Senior Master Sgt. Joey Aninag, chief investigator iti PNP Pasuquin, ti biktima ket agtawen ti 33 ken residente iti Brgy. 28 Cabusligan iti ili ti Bacarra ken agtrabtrabaho kas delivery boy.

Inlawlawag na a sakbay a maidungpar ti biktima iti poon ti mangga ket nasapgud na nga umuna ti nakabisekleta nga agtawen ti 14 kabayatan nga agpapaamianan a direksiyon dagitoy.

Nagsagaba ti biktima iti nakana a sugat iti ulo na ken dagus a naitaray iti ospital ngem naideklara a dead on arrival.

Nasugatan met ti sumagmamano a paset ti bagi ti menor de edad.

-- ADVERTISEMENT --

Rumrumwar a napaspas ti motorsiklo nga inturong ti biktima.

Arig nga awan ti nagbalabalinan ti motorsiklo kalpasan a naidungpar iti poon ti mangga idinto ti bisekleta ket naikkat ti akin likod ligay na.