LAOAG CITY – Arig na nagbalin a karayan ti nalawa a kataltalonan iti paset ti Barangay San Roque iti ili ti Paoay gapo iti agtultuloy a panagtudtudo.

Basar iti maysa a mannalon, ti nasao a kataltalonan ket naraepan.

Inbatad na a masayangan da gapo iti nagbanagan ti raep da ngem kunana nga awan ti mabalin da gapo ta saan da met a kontrolado ti panawen.

Kabayatanna, inpasingked ni Brgy. Chairman Oliver Mangligot iti Brgy. Paratong iti ili ti Paoay a patas ti pannakaipapaay ti tulong para kadagiti mannalon a nalayos ti raep na gapu iti agtultuloy a panagtudtudo na ti napigsa.

Inbaga ti kapitan nga adda amin crop insurance dagiti mannalon iti barangay da.

-- Advertisement --

Kunana pay a malaksid iti cash ken bin-i a naiteden kadagiti kabarangayan na a mannalon ket nabunungan da pay ti nagduduma a dingwen kas ti kalding,  manok,  pato,  itik ken dadduma pay.

Inpakaammo ni Mangligot a 50 a porsiento pay laeng kadagiti mannalon iti barangay da ti nakaraep ken nalayos ti mula na a pagay.

Innayon ti kapitan a tunggal panagtutudo ket saan a maliklikan ti pannakalayos dagiti pagtatalunan iti Brgy. Paratong iti ili ti Paoay.