ADVERTISEMENT

LAOAG CITY – Inpetteng ni Brgy. Chairman Abe Agsao iti Brgy. Ester iti ili ti Vintar a saan a mapabayadan ti barangay certification dagiti mapan agpabakuna kabayatan ti three-day national vaccination.

Inbatad ni Agsao a libre a maipapaay ti barangay certification kadagiti agtawen ti 12 agpatingga iti 17 nga agpabakuna.

Inlawlawag na a ti laeng panagsingirda ti bayad iti barangay certification ket kadagiti immunan a nagpabakuna a natataengan.

Innayun na nga adda ti ordinansa iti barangay a mabayadan ti sumagmamano a sertipikasyon a maisyu ngem gapu ta menor de edad dagiti agpabakuna ket libre ken atibayen met dagitoy dagiti nagannak kadakuada.

Immunan nga adda ti dimmanon a report iti Bombo Radyo mainaig iti maipagarup a panagpabayad ti barangay iti 50 a pisos para iti barangay certification dagiti agbakuna kabayatan ti three-day national vaccination.

-- ADVERTISEMENT --