ADVERTISEMENT

LAOAG CITY – Binalakadan ni Barangay Kagawad Jay Z Lagundino dagiti motorista nga agannad gapo ta adda pay laeng posibilidad na nga adda ti agregreg a daga wenno bato iti Barangay Pancian iti ili ti Pagudpud.

Segun kenni Lagundino, liklikan pay laeng ti publiko ti dumalyasat iti nasao a lugar nangruna no saan a napateg ti ranta kangrunaan na ket agtultuloy ti panagtudo na.

Kunana nga agarop 20 agingga iti 30 a metro a paset ti kalsada ti nagaburan ti daga ken batbato.

Agpapan maisursurat ti damag ket one way passable ti dalan wenno nawaknitan laeng ti pagadalanan dagiti tattao.

Mainaig iti daytoy, inbatad na nga adda met dagiti nakabantay wenno agmonmonitor iti nasao a paset ti barangay, ken adda dagiti signages.

-- ADVERTISEMENT --

Kabayatanna, kuna ni Lagundino nga agtultuloy met ti construction ti slope protection ngem nagaburan manen gapo iti panagreggaay ti daga.