ADVERTISEMENT

LAOAG CITY – Inlawlawag iti Bombo Radyo Laoag ni Mr. Kent Ramil, ti Information Officer iti Department of Science and Technology (DOST) ditoy ciudad ti Laoag no ania dagiti kangrunaan a paggap-gapwan ti gas emission a mangitunda iti greenhouse effect wenno climate change iti intero a lubong no sadinno a mapagam-amkan a mapasaran ti kagrabean nga epekto na intono 2050.

Ti maipanggep iti climate change ti kangrunaan a pagsasaritaan dagiti world leaders iti manarimaan a COP26 Summit idiay Glasgow a nangrugi idi Lunes, Nobyembre 1 agingga intono Nobyembre 6 ita a tawen.

Inbatad na a ti kangrunaan a paggapwan ti emission gas ket dagiti transportasyon ken maus-usar iti inaldaw.

Kuna na nga iti datos idi 2019 ket umaboten iti 29% ti gas emission iti biang ti economic sector, sumaruno ti electricity a  25% idinto a dagiti power plant ket 23%.

Segun pay ken ni Ramil, dakkel ti pakaseknan ti Pilipinas gapu ta maibilang ti pagilyan kasAgricultural country no sadinno a 10% ti kontribusyon na iti gas emission.

-- ADVERTISEMENT --

Inpakaammo na pay nga idi koma pay laeng 2020 a naiyuswat ti COP26 Summit ngem gapu iti pandemya a gubuay ti covid-19 ket naitantan ita a tawen.

Gagem dagiti world leaders a nagatendar iti COP26 Summit a maipababa iti 1.5 degrees ti gas emission.

Innayon na a ti maysa a pagilasinan ti panagbalbaliwen ti paniempo gapu iti epekto ti climate change ket ti panagpaspasar pay laeng ti bagyo iti bolan ti disyembre idinto nga amian koma laengen ti pasaren ti pagilyan.