ADVERTISEMENT

LAOAG CITY – Inbatad ni Police Major Joseph Tayaban, ti chief of police iti ili ti Badoc nga immado dagiti simmangpet a returning residents ken Locally Stranded Individual (LSI) ditoy probinsya.

Daytoy ket kalpasan a naan-anayen a napalukayan ti protocol para kadagiti sumrek ditoy Ilocos Norte.

Mainaig iti daytoy, inlawlawag ni Tayaban ti maipatpatungpal a protocol iti border control iti ili ti Badoc iti agdama.

Kuna na a dagiti Authorized Persons Outside Residence (APOR) nga aggapo iti sabali a lugar ken sumrek ditoy probinsya ket masapol nga ag-antigen test da ken mangipakita dagitoy ti proof of residency.

Nupay kasta, inlawlawag na a dagiti APOR a residente a mismo ditoy Ilocos Norte a fully vaccinated ket vaccination card laengen ti kasapulan nga ipresentar da iti border control iti ili ti Badoc.

-- ADVERTISEMENT --

Iti met biang dagiti turista, saanen a kasapulan a mangipakita ti antigen test result ken RT-PCR test dagiti fully vaccinated no di ket ipakita da laeng ti vaccination card ken no naka-book da iti ibibisita da dito Ilocos Norte.

Malaksid iti daytoy, masapol a mangipakita dagiti maseknan ti valid ID kangrunaan na ti Government ID ken ti confirmed booking manipod iti accredited accommodation or local travel agency.