ADVERTISEMENT

LAOAG CITY – Nagpanawagan ni UN high commissioner for human rights Michelle Bachelet ti naan-anay a pannaka-imbestigar ti human rights violations idiay Burkina Faso.

Inaramid daytoy ni Bachelet kabayatan ti ibibisita na iti Sahel region.

Kabayatan ti panagbisita ni Bachelet iti Burkina Faso ket ginundawayan na ti nakipagkita ken ni President Roch Marc Christian Kabore.

Iti panagsarita dagiti dua ket kiniddaw ni Bachelet a masapol nga ipasigurado ni Presidente Kabore a maikkan ti hustisya dagiti nagbalin a biktima ti kinadamsak iti pagilyan da.

Mainaig iti daytoy, nanglukat pay ni Bachelet ti UN rights office iti ciudad ti Ouagadougou idiay Burkina Faso tapno mamonitor na ti sitwasyon iti nadakamat a pagilyan.

-- ADVERTISEMENT --

Ti nasao a pagilyan ket sumangsango ti insecurity iti kadagiti aktibidad dagiti armado a grupo.