ADVERTISEMENT

LAOAG CITY – Inrakurak ti Estados Unidos nga ipalubus dan a sumrek dagiti fully vaccinated a ganganaet nga agbibiyahe babaen ti air and land transportation, mangrugi intono Nobyembre 8 ita a tawen.

Daytoy ti inpakaammo ni White House assistant press secretary Kevin Munoz.

Babaen ti baro a pagalagadan, kasapulan dagiti nabakunaan a pasahero iti eroplano a dumalan iti testing iti uneg ti tallo nga aldaw sakbay nga agbiyahe idinto dagiti airlines ket mangisagana ti contact tracing system.

Adda met ti dua a bansada ti panaglukat ti land border.

Umuna ket kasapulan a mabakubaan dagiti agbiyahe babaen ti non-essential trips idinto dagiti saan pay a nabakunaan ket mapalubusan da a sumrek iti Estados Unidos babaen laeng ti “essential” trips.

-- ADVERTISEMENT --

Ti maikadua a bansada a mangrugi intono Enero 2022, ket kasapulan nga amin a bisita ket fully vaccinated sakbay a makastrek, anyaman ti gagem da iti uneg ti Estados Unidos.(BBC News)