ADVERTISEMENT

LAOAG CITY – Saan nga inaprobaran ti Sangguniang Panlalawigan ti pannakaiyuswat ti electronic sabong wenno e-sabong ditoy Ilocos Norte.

Gapu iti daytoy, kuna ni Bokal ken Chairman ti Committee on Laws, Rules, Ethics and Privileges Atty. Da Vinci Crisostomo, inpasada ti  Draft Provincial Resolution 2021-10-048 a nakaipalaonan ti pannakaipawil ti panagay-ayam ti e-sabong.

Inlawlawagna nga imbes nga ordinansa ket napagbalin daytoy a resolusion gapu ta adda dagiti napalubusan a mangiyuswat ti nasao nga aktibidad iti national partikular iti babaen ti Philippine Amusement and Gaming Corporation wenno PAGCOR.

Mainaig iti daytoy, inadmitir ni Bokal Atty. Donald Nicolas, Chairman ti Committee on Games and Amusement a narigat iti pannakamonitor kadagiti posible nga agay-ayam ti e-sabong nangruna ket saan a kaskarina a mabuya wenno makita dagiti makipagpartisapar iti daytoy.

Kunana a masapol nga adda ti link sakbay a makaserrek iti e-sabong, banag a nasken nga imonitor dagiti otoridad.

-- ADVERTISEMENT --