LAOAG CITY – Inbatad ni Mr. Pedro Rex Aguinaldo, executive  secretary iti lokal a gobierno iti ili ti Pasuquin nga adda dagiti personnel iti Paramedic unit iti nasao nga ili a nagpositibo ti covid-19.

Gapu iti daytoy, dumalan amin intono bigat ti swabt test dagiti primary contacts dagiti nagpositibo ti covid-19 a personnel ti paramedic iti ili ti Pasuquin.

Inlawlawag na a dua laeng ti nagpositibo ngem maipadalan latta aminen a personnel ti paramedic iti swab test karaman dagiti primary contact dagiti maseknan a personnel iti Rural Health Unit (RHU) iti nasao nga ili.

Innayon na a gapu iti napasamak ket temporaryo pay laeng a paserraan ken maisardeng ti operasyon ti RHU iti nasao nga ili mangrugi intono rabii.

Kabayatanna, inpakaammo ni Aguinaldo a makikokoordinar da iti Bureau of Fire Protection (BFP), Philippine National Police (PNP) ken MDRRMO tapno isuda ti tumulong no bilang adda ti mapasamak nga emergency a pakasapulan ti serbisyo iti RHU.

-- Advertisement --