ADVERTISEMENT

LAOAG CITY – Inbatad ni Mayor Edward “Boyet” Quilala iti ili ti Currimao nga adda ti naiwayat a vaccination rollout iti ili da idi kalman.

Inbaga na nga umabot iti 20 nga empleado iti lokal a gobierno iti ili ti Currimao ti nabakunaan ti covid-19 vaccine.

Segun kenkuana, karaman a nabakunaan ket 10 nga agpapaay iti Rural Health Unit (RHU), 6 a kameng ti Municipal Disaster Risk Reduction and Management Office (MDRRMO) ken 4 a driver ti gobierno lokal iti ili ti Currimao.

Inlawlawag ti mayor a dagiti maseknan ti immuna a nabakunaan gapu ta isuda ti kangrunaan a ma-expose no adda ti covid-19 virus iti nasao nga ili.

Mainaig iti daytoy, inadmitir ni Mayor Quilala nga idi damo ket adda ti panagdudua dagiti maseknan iti bakuna ngem kalpasan a nailawlawag kadakuada a naimbag ti napintas nga epekto na iti salun-at ket sitatallugod da metten a nagpabakuna.

-- ADVERTISEMENT --

Innayon na a manamnama nga adda pay ti sumaruno a maiwayat a vaccinatio rollout iti ili da ngem saanen a nakaipaay pay ti naan-anay a detalye no siasinno dagiti sumaruno ken no mano manen dagiti mabakunaan.