LAOAG CITY РBalligi ti naiyuswat a drug buybust operation iti Barangay Mabusag Sur iti ili ti Badoc a  nakatiliwan ti maysa a lalaki.

Nabigbig daytoy a ni John Lawrence Lacuesta, agtawen ti 24, maysa a construction worker ken residente iti nadakamat a barangay.

Segun kenni Police Major Joseph Tayaban, ti chief of police ti PNP-Badoc, nakagatang ti police pusuer buyer ti maysa a sachet ti maipagarop a droga ken iti ikot  na a tallo a sachet a naglaon met laeng ti maatap a droga ken tallo ribo a pisos a buybust money.

Inlawlawag ni Tayaban a ti suspek ket miembro iti Rapisora Drug Group ken karaman iti provincial level, ken dati a drug surenderee.

Mainaig iti daytoy, nawaya nga agkomento ti subject iti naiyuswat nga operasyon ken masapol a sangwen na ti kaso na, kasta pay nga inbalakad na a mangala iti abogado na.

Iti agdama, maisagsaganan ti kaso a maipila kontra iti suspek.