ADVERTISEMENT

LAOAG CITY – Adda laeng ti maysa a barangay iti ili ti Piddig ti saan a nakairekord ti kaso ti covid-19 sipud nangrugi ti pandemiya.

Kuna ni Mayor Eddie Guillen a daytoy ket iti Brgy. 7-Sucsuquen iti nasao nga ili.

Inbatad na a resulta daytoy ti panagtalinaed a disiplinado dagiti residente ken sakripisyo dagiti opisyal iti nasao a barangay.

Iti agdama ket adda ti kabuklan a 374 a kaso a ti covid-19 iti ili ti Piddig.

Manipod iti nasao a bilang ket 322 dagiti nagimbag, 31 ti aktibo a kaso idinto a 21 dagiti pimmusay.

-- ADVERTISEMENT --