ADVERTISEMENT

LAOAG CITY – Inpetteng ni Ilocos Norte 1st District Rep. Ria Fariñas nga awan ti kinapudno na a masukatan ni House Speaker Lord Allan Velasco.

Inlawlawag na nga awan ti mapasamak a pannakasukat ti liderato ti House of Representatives gapo ta ni Velasco ket kapartido ti presidente.

Segun kenni Fariñas, adda pay a mismo ni Velasco iti naiyuswat a casual dinner da kadua da ni Presidente Rodrigo Duterte ken dagiti dadduma pay a kongresista.

Inbatad na nga awan met ti nasisita nga agenda iti casual dinner no diket nagkikita da laeng a mangsupsuporta iti administrasyon ni Duterte.

Kunana a ditoy met nga inpeksa ti presidente ti panagyaman na kadagiti mangsupsuporta kenkuana ken inyendorsar na ni Sen. Bong Go nga agpaidasig kas presidente.

-- ADVERTISEMENT --

Mainaig iti daytoy, kinumpirmaran na pay a suportaran isuda ni Duterte no sadinno nga idi kina-picture na ti presidente ket adda ti naibaga ni Sen. Go a ni Cong. Fariñas ti Provincial Chairman ti PDP-Laban.

Inbatad na pay a naibaga pay ni Sen. Go kenni Presidente Duterte nga adda ti inlaban ti kampo ni dati a Sen. Bongbong Marcos iti kina-kongresista nga isu ti kalaban na, kasta pay iti panagkandidato ti ama na a ni dati nga House Majority Floor Leader Rudy Fariñas iti kina-gobernador.

Kalpasan daytoy, kunana nga inngato ti Presidente ti ima na a mangipasimudaag nga isuna ti suportaran iti kina-kongresista iti ummuna a distrito ditoy probinsya ken isuda ti tumulong kadakuada.

Kabayatanna, kunana a dakkel a banag ti taripnong para iti ummuna distrito ti probinsya gapo ta adda ti napatgan a kiddaw a pondo para iti imprastraktura, kasta pay iti AICS ken medical assistance para kadagiti Indigent patients.