ADVERTISEMENT

LAOAG CITY – Inimbitaran ni PCL President Handy Lao dagiti konsehal ditoy ciudad ti Laoag a makikaysa iti PCL week manipud iti Oktubre 18 agingga iti Oktubre 22.

Ti nasao nga aktibidad ket paset ti tinawen nga selebrasyon tapno mapapigsa ti panagkikinnammayet dagiti agpanpanday linteg ditoy probinsya.

Naamoan a ti tema ti nasao a selebrasyon ket “Unified towards strengthening covid 19 response”.

Karaman kadagiti aktibidad ket ti relief assistance para kadagiti frontliners, tree planting iti ili ti Pinili partikular ti Agro-tourism farm ken Piddig sunflower farm, kasta pay nga addan to ti pa-raffle para kadagiti kokonsehal.

Patien ni Lao a nupay simple dagiti aktibidad gapo iti restriksiyon gubuay ti covid-19, daytoy a wagas ket dakkel a banag tapno makapa-relax dagiti agpanpanday linteg manipod ti sangsangwen a pandemya.

-- ADVERTISEMENT --

Innayon ni Lao a maysa daytoy a wagas tapno makapag-bonding dagiti miembro iti nadakamat nga organisasyon.