LAOAG CITY – Inlawlawag ni Dr. Loida Valenzuela, ti Provincial Veterinarian nga ado dagiti sakit a sagabaen dagiti taraken nga ayop no panawen ti panagtutudo.

Possible a sagabaen dagiti dingwen ti panateng, panagbaba ti resistensya, sakit iti kudil, ken nangato a porsiento a maapektaran da iti parasite kangrunaan kadagiti baka ken kalding.

Segun kenni Valenzuela, dakkel ti tsansa nga agsakit ti taraken no panawen ti panagtutudo nangruna iti kalding isut gapo na a masapol a mailinong dagitoy.

Nupay kasta, kuna na a dakkel met a tulong kadagiti taraken nga ayop ti panagtutudo gapo ta agrusing dagiti ruot nga isu ti kanen dagitoy ngem masapol a bimmaban ti danom kadagiti murdong dagiti ruot tapno maikkat dagiti itlog ti parasitiko a nakauli.

Mainaig iti daytoy, kuna ni Valenzuela nga addan ti plano da para iti animal shelter no adda ti kalamidad kas iti layos ket masapol a dagiti barangay ket mangkita ti nangato a lugar nga adda ti linong na kas iti saan a maus-usar a bodega tapno pakaikabilan dagiti taraken.