LAOAG CITY – Kinumpirmaran ni Barangay Chairman Abe Agsao iti Barangay Ester iti ili ti Vintar ti kalikagom a pananglapped dagiti agtartaraken ti baboy a makastrek iti lugar da dagiti mapan agikali ti napapatay a taraken.

Daytoy ket kalpasan nga adda ti impormasyon na da iti sanitary landfill a sakupen ti Barangay Ester ti pakaikalyan dagiti naisakripisyo a baboy manipud iti Barangay San Roque.

Segun kenni Agsao, saan nga ipalubos dagiti maseknan a sumrek iti sanitary landfill dagiti mapan agikali.

Inpetteng na a kalpasan a naipadanon kenkuana daytoy nga impormasyon ket dagus a timmawag iti Municipal Agriculture Office.

Kunana a basar iti MAO, ti sanitary landfill iti barangay da ket nailungalong a pakaikalyan dagiti naisakripisyo a baboy gapo ta awan ti mabalin a mausar iti Barangay San Roque.

-- Advertisement --

Inpetteng na a saan a mabalin a mapasamak daytoy gapo ta iti asideg iti sanitary landfill ket adda ti waig.