LAOAG CITY – Saan a pabor ni Mrs. Glory Miguel, maysa kadagiti agtagikua ti flower shop iti Laoag City Public Market and Commercial Complex ti pannakapaserra dagiti kamposanto intono Nobyembre 1 ken 2.

Inbatad na nga uray iti panagfiesta laeng dagiti minatay ti pagabrutan da kadagiti lako da a sabsabong kalpasan nga awan ti naisayangkat a graduation, saan a nalagip ti semana santa, flores de mayo ken dadduma pay nga okasyon no sadinno a kadagitoy a panawen koma ti pakalakoan da kadagiti ado a produkto da.

Mamati ni Miguel a no mapalubusan dagiti tattao a mapan iti kamposanto intono Undas ket saan met laeng nga agbayad dagitoy.

Innayon na a patien na a no maidisson dagiti tattao dagiti sabsabong ket pumanaw dan iti lugar gapu iti agdama a mapaspasaran a covid-19 pandemic.