ADVERTISEMENT

LAOAG CITY – Nagballigi dagiti kameng ti Philippine National Police (PNP) a nangtiliw kadagiti agasawa a sumangsango iti kaso nga estafa iti ili ti Sarrat.

Daytoy ti inpakaammo ni Police Major Carlo Abing, ti chief of police iti ili ti Sarrat.

Binigbig ni Abing dagiti natiliw nga agasawa nga isuda Dencio, agtawen ti 59, tricycle driver ken ti asawa na a ni Swerte, agtawen ti 57, residente dagitoy iti Barangay Palungpong iti ciudad ti Batac.

Natiliw dagiti agasawa babaen ti bileg ti warrant of arrest nga inparuk-at ni Hon. Judge Ariston Rubio iti RTC Branch 17 iti ciudad ti Batac.

Inbatad ni Abing a naiparuk-at pay laeng ti warrant of arrest idi Huly0 4, 2020 ken nairekomendar ti sag-16 a ribo a pisos dagiti agasawa para iti temporaryo a pannakawaya-waya da.

-- ADVERTISEMENT --

Nupay kasta,nagtalinaed dagiti agasawa iti kustodyar ti PNP iti ili ti Sarrat gapu ta saanda pay a nakapagpiyansa.