LAOAG CITY – Inbatad ni Engr. Rommel Baotac, ti operations officer ti National Irrigation Administration ditoy probinsya nga umdas ti danom nga isupsuplay dagiti irigasyon iti nagduduma a pagtatalonan.

Kuna ni Baotac nga amin nga operational area a naiprograma a masuplayan ti danom ket napadanoman.

Inbatad na a dakkel a tulong ditoy ti panagtudtudo iti kallabes.

Kabayatanna, inbunannag ni Baotoc a kageddan ti napintas a suplay ti danom manipod iti irigasyon ket masapol ti nasayaat a langen-langen dagiti consumer.

Kuna na a daytoy ket tapno naurnos ti distribusyon ti danom ken awan ti agbalin a riri kadagiti mannalon a posible a makaitunda ti saan a patas a pannakapadanom dagiti pagtaltalonan.

-- Advertisement --