ADVERTISEMENT

LAOAG CITY – Natakuatan nga adda ti 22 a Quarry Permittees ti awan ti Governor’s Quarry Permit-na.

Nupay kasta, naammoan ti Sangguniang Panlalawigan nga adda ti industrial sand ken gravel permit-da babaen iti panangipaay ti Department of Natural Resources Office Region 1 gapu ta ti operasionda ket nangrugi idi awan ti naipasa pay a 2018 Provincial Quarry Ordinance ken ti laeng makol-kolekta kadakuada a buwis ket ti panangiyuswatda ti panagnegosio no pay dagitoy ket saan a residente ken awan ti business address-da ditoy probinsia.

Mainaig iti daytoy, dagiti nasao a Quarry Permittees ti maipagarup a mangsupsuplay iti Omnico Natural Resources Incorporated ken adda ti ibagbagada nga operating agreement iti nagbaetan dagiti dua ngem awan ti naidasarda kabayatan ti naikari a panagdingngeg.

Segun ken ni Sangguniang Panlalawigan Member ken Chairman ti Committee on Laws, Rules, Ethics and Privileges Atty. Da Vinci Crisostomo, masapol ti Governor’s Quarry Permit dagiti 22 a Quarry Permittees maibasar ti naipasa a Provincial Quarry Ordinance ti probinsia idi 2018 ken naamendaran daytoy idi tawen 2020.

Kunana a namunganayan daytoy a banag ket ti panagkiddaw dagiti 22 a Quarry Permittees para iti nayon nga extraction fees ken delivery receipts para iti nayon a panagalada ti bato ken darat.

-- ADVERTISEMENT --