ADVERTISEMENT

LAOAG CITY – Inbatad ni Vice Mayor Carlos Fariñas ditoy ciudad ti Laoag maysa kadagiti iprayoridad da a trataren ti ket ti budget para iti 2022 gapo ta saan pay a naipasa daytoy.

Segun kenni Fariñas, pagsasaritaan da kadagiti konsehal ditoy ciudad no anya ti aramiden da kas kuma no ag-back to zero da a mangtratar iti daytoy.

Inlawlawag na a no isuna ti masurot ket mabalin a kitaen wenno adalen ken solbaren da lattan dagiti ummuna a nakita a maipagarop nga anomalya tapno al-alisto ti pannakaipasa ti budget.

Kunana a daytoy ket gapo ta iti sumarsaruno manen a bulan ket trataren da manen ti 2023 Budget isit gapo  na nga ado ti trabaho da.

Mainaig iti daytoy, maysa pay kadagiti trataten ti konseho ket ti ado a bakante a posisyon ken kitaen da no siasinno dagiti kwalipikado a mangigem iti nadakamat a posisyon.

-- ADVERTISEMENT --

Kabayatanna, inbatad pay ni Fariñas nga arig na ket naibatin ti ciudad ti Laoag seknan iti koleksyon ti tax nangruna ket agarop 13 a tawenen ti napalabas sipud nabaliwan daytoy nga isu ti adalen da a nasayaat.