ADVERTISEMENT

LAOAG CITY – Nagtalinaed iti kustodyar dagiti otoridad ti suspek nga immatake iti maysa a tren idiay Tokyo, Japan a nakasugatan ti 17 a tattao.

Daytoy ti report ni Bombo International Correspondent Jim Pablo, taga Bacarra, Ilocos Norte ngem agdama nga agtrabtrabaho idiay Japan.

Inbatad ni Pablo a basar iti inisyal nga imbestigasyon dagiti otoridad, inbaga ti suspek a kayat na ti pumatay ti tao ken masentensyaan ti dusa a patay.

Malaksid iti daytoy, naamoan pay a ti suspek ket paborito na a character ti joker.

Immuna iti daytoy, saan a ninamnama dagiti tattao iti maysa a tren a ti naka-costume ti “Joker” a maysa a lalaki ket agisaknap ti kinadamsak.

-- ADVERTISEMENT --

Agtultuloy ti imbestigasyon dagiti otoridad tapno maamoan no ania ti pudno a motibo ti suspek.