ADVERTISEMENT

LAOAG CITY – Pimmusay ti top military commander idiay India kalpasan a nagswek ti nagluganan na nga helicopter iti estado ti Tamil Nadu iti nasao a pagilyan.

Malaksid ken ni Chief of Defence Staff Gen Bipin Rawat ket pimmusay pay ti asawa na ket 11 a kakadwa da a naglugan iti Mi-17V5 helicopter.

Segun iti report, ti kakaisuna a nakalasat iti insidente ket manarimaan a maag-agasan iti ospital.

Ni Gen Rawat, agtawen ti 63 ket nadutukan kas kaunaan a Chief of Defence Staff idi enero 2019.

Inbilin a dagus ti Indian Air Force ti pannakaiyuswat ti naun-uneg nga imbestigasyon mainaig iti insidente.

-- ADVERTISEMENT --

Mainaig iti daytoy, nangiyuswat met a dagus ti cabinet security committee ti emergency session iti panangidaulo Prime Minister Narendra Modi kalpasan iti nasao a  pasamak.

Iti Twitter, inbaga ni Presidente Modi a dakkel ti nasursuro na ken ni Gen Rawat iti panagserbi na iti armada ken saan to pulos a malipatan ti India ti ibilang  na a naidumduma ken saan a mabaloran a serbisyo na.

Naamoan nga agturong koma ti grupo ni General Rawat iti ili ti Wellington tapno bisitaen ti Defence Services Staff College.