KORONADAL CITY – Gilayon nga ginpaidalom sa zonal lockdown ang isa ka barangay sa banwa sang Lake Sebu, South Cotabato makaligad nga liwat nga nakapagkit sang kaso sang covid 19.

Sa eksklusibo nga interbyu sang Bombo Radyo Koronadal kay Lake Sebu Mayor Floro Gandam, nga gilayon nila nga gin-aksyonan kag ginhatagan sang ayuda ang nasambit nga nagpositibo agud indi na maglapta kag magdamo pa ang kaso sa ila lugar.

Kaupod ang local task force, ila ginpasiguro nga na-isolate na ang nasambit nga pasyente agud malikawan ang paglapta sang virus.

Ginpasiguro man sang ila gobyerno nga mahatagan sang nagakaigo nga bulig ang 57 pamilya nga apektado sang nasambit nga zonal lockdown.