KORONADAL CITY – Nagapadayon ang clearing operations sang Palimbang LGU sa probinsya sang Sultan Kudarat makaligad sila nga ginhalitan sang landslide kag flashflood.

Sa interbyu sang Bombo Radyo Koronadal kay Palimbang Mayor Jonemi Kapina, pabudlayan ang ila ginahimo nga mga operasyon bangud sa kalapadon sang damyos sang nasambit nga mga kalamidad.

Kalakip na diri ang walo ka landslide nga napagkit kun sa diin tatlo na diri ang cleared na samtang ginabuligan sang DPWH kag mga contractor ang nabilin nga lima pa.

Photo credits to the owner.

Samtang naghimo naman sila sang suno pa zipline agud ipatabok ang mga kagamitan kag mga tawo makaligad nga tigayon nga ginguba sang tubig-baha ang taytay sang national highway.

Kasamtangan nga nagapabilin sa municipal gym ang halos 300 ka pamilya samtang nagalab-ot naman sa tubtob P9 milyon ang ang damyos sa imprastraktura pa lamang samtang yara sa P2 milyon sa bahin sang agrikultura.