KORONADAL CITY – Kasubong nga gin-abrihan ang pilas sang pamilya Villavende kag Padernal makaligad nahibaloan nga ginkakas na sang Department of Labor and Employment (DOLE) ang total deployment ban sa Kuwait.

Nagakahulogan ini nga kalakip na sa liwat nga pagbalik kag pag-obra sa nasambit nga pungsod ang mga semi kag skilled workers mangin man ang mga household workers.

Ini makaligad gin-anunsyar ni DOLE Sec. Silvestre Bello III ang nasambit nga pahayag makaligad ginpasiguro sa iya sang Kuwaiti officials ang pag-angkon sang hustisya kay Jeanelyn Villavende kag paghatag igtalupangod sa mga Pinay domestic helpers.

Apang suno kay Nelly Padernal, ang tiya ni Jeanelyn Villavende, kasubong nga wala suno pa sang pulos ang ginhimo sang gobyerno sa pagkadto nila didto sa Kuwait.

Sa interbyu sang Bombo Radyo Koronadal, ginpahayag sini nga tubtob sa subong wala pa nagatawag sa ila sanday Sec. Bello kag OWWA Administrator Hans Cacdac makaligad ang pagbisita nila sa Kuwait.

Tubtob sa subong ginahulat pa nila ang dugang nga mga updates kaangot sa kaso ni “Tata”.

Padayon man ang ila apela sa gobyerno nga padasigan ang pagproseso sa kaso ni Jeanelyn agud maangkon na nila ang hustisya.