KORONADAL CITY – Yara na sa kostudiya sang PNP Buluan ,Maguinadanao ang step father sang isa ka menor-de-edad bangud sa ginhimo sini nga paghigot sang kamot kag paa sang 10-anyos nga stepson sini samtang ginapahapa kag gintutukan sang patalom.


Ginkilala ni PLt Cemafranco Cemacio ,COP sang Buluan MPS, Maguindanao ang suspetsado nga si Jaime S. Datucan, 38 anyos kag residente sang nasambit nga lugar.

Suno kay Cemacio, naguwa sa ila nga imbestigasyon nga ginhanaan lamang suno pa nga patyon sang suspetsado ang step son sini bilang prank sa iya nga Misis nga yara sa luwas sang pungsod makaligad sila nga mag ginamo.


Nahibaluan man sang mga himata sang menor de edad ang ginhimo sang suspetsado bangud sa ginpost pa mismo sini ang laragway sang iya nga FaceBook account.


Dugang pa ni Cemacio, nahimo suno pa sang suspetsado ang pagpamahog bangud sa selos sa iya nga misis nga yara sa Metro Manila nga luyag niya na papuli-on.

Bangud sa pagpamahog sang nasambit nga suspetsado, magapangatubang ini sa kaso nga pagbayolar sa R.A 9262 o Anti-Violence Against Women and their Children.