KORONADAL CITY- Aktibo man nga nagpakigbahin sa Dugong Bombo 2019 ang mga katapo sang Sultan Kudarat Mobile Force Company sang Sultan Kudarat PNP kun sa diin sila man ang pinakauna nga grupo nga nagpaidalom sa blood letting activity sang Bombo Radyo Koronadal sa ikaduha sini nga venue sa City Disaster Risk Reduction and Management Office sang Tacurong.

Nahibaluan nga ang nasambit nga grupo ginpangunahan sang team leader sang SWAT nga si Rolly Pablico Jr.

Samtang suno naman kay Sheryl Gucutano, tagpamaba sang Sultan Kudarat Provincial Mobile Force Company, aktibo ang kapulisan sang Sultan Kudarat kag bug-os ang ila suporta sa program sang Bombo Radyo Philippines nga Dugong Bombo.

Tumong man nila nga magbulig sa isig katawo kag ikabuhi ang prinsipyo sang PNP nga “To serve and Protect”.

Gin-awhag man sini ang mga pumuluyo nga suportahan ang blood letting activity sang Bombo Radyo Philippines.