-- ADVERTISEMENT --

KORONADAL CITY– Nagapangatubang subong sa kaso nga reckless imprudence resulting to homicide ang isa ka tiyo makaligad nga aksidente nga maluthangan-patay ang kaugalingon nga hinablos sa banwa sang Kabacan, North Cotabato.

Ini ang ginpahayag ni PSSgt. Jeorge Salcedo Bandiola, imbestigador sang Kabacan PNP sa interbyu sang Bombo Radyo Koronadal.

Ginkilala ang napatay nga si Aries Quezada, 26 anyos kag residente sang New Bugasong, Matalam Cotabato samtang ang suspek ang tiyo sini nga si Rey Quizada Ignacio nga residente naman sang nasambit nga lugar.

Suno kay Bandiola, una nga nareport nga self-accident ang natabo kay Aries sang gindala sa hospital apang sang nagdugay nabuyagyag nga naluthangan ini sang iya tiyo.

Naguwa sa imbestigasyon sang mga otoridad nga samtang magkaupod ang magtiyo ginhampangan sang mga ini ang isa ka 9mm pistol sang aksidente nga naglupok kag nag-igo sa liog nga naglapos sa likod sang biktima.

-- ADVERTISEMENT --

Boluntaryo naman nga nagsungka ang suspek sa mga otoridad matapos nga napatay ang biktima.

Nahibaluan nga ang armas nga gingamit sang suspek ang ginapanag-iyahan sang isa pa ka tiyo sang biktima nga magapapili nga alkalde sang banwa kag may nagakaigo man nga lisensiya.

Sa subong nagapabilin sa kustodiya sang mga otoridad ang suspek.